Maze par pade hain purse, mobile, gilas, sapne aur paise

Maze par pade hain purse, mobile, gilas, sapne aur paise
Gilas adha bhara hai
purse lagbhag khali hai
paise fakiron ke liye rakhe hain
Aur sapne wo tujhe dekh kar chup hain aur tu unhe
deewar par latke calender par din badal rahe hain aise
Maze par pade hain purse, mobile, gilas, sapne aur paise

umeed ki click se mouse pareshan sa hai
wo teri harkaton se anjaan sa hai
headphone par apne hi bhetar ka shor sunai deta hai
pendrive sa past phir bhi tujhko sambhale rehta hai
khushiyan aksar browser pe hang ho jati hain jaise
Maze par pade hain purse, mobile, gilas, sapne aur paise


facebook tera sahi face chupaye rehta hai
Vikritiyon se saja tu isilye aksar yahan rehta hai
kisi begaane humshakal se dosti karke
Jinda hone ke tags saath liye rehta hai
Mehsoos ho raha hai sukoon teri updates par waise
Maze par pade hain purse, mobile, gilas, sapne aur paise