Is guftagu ke baad koi guftgu na ho

khamoshiyon se baat huye hai abhi abhi
is guftagu ke baad koi guftgu na ho

saki gulab ishq fakiri raza kaza
kisi shaam dil mein baki koi aarzu na ho

lavzon ki hifazat ne sab kaam bigade hain 
itna bhi ehtiyat tere char su na ho

har saans raat bhar bas karvat badal rahi hai
kaise karein ke dil mein koi justuju na ho

tere shehar se guzre muddat huye magar
'saahiel' ye kab hua hai  tu rubaru na ho