Shayar ke darwaze pe,ab koi nahi khada...

Shayar ke darwaze pe,ab koi nahi khada

Music director ko hook chahiye,

Producer ko madam chopda

Kehne waale kehte hain ab wo shayar nahi rahe

Bilkul sahi hai sarkar,aaj itna dard kaun sahe..

Bachon ke school ki fees

ban jaati hai shayari ki tees

bade badon ko kha gayi mehengai ki mar

to phir beechara shayar kya kare yaar..

Use bhi to apna ghar chalana hai

Sheron ne thodi aata ban jaana hai

Duniye mein pet se kabhi dil nahi lada

Music director ko hook chahiye,

Producer ko madam chopda

Shayar sochta bahut hai samaj ke liye  par kuch kar nahi pata

Kyunki usey shayari se roti banana nahi aata.

Jo shayar ye hunar seekh jaate hain

Wahi log bade shayar kehlate hain

Shayar wahi hai jo likhna chahe so likhe

Chahe phir wo bikey na bikey

Ye kehna aasan to bahut hai

Par isme shayar ka nuksaan bahut hai

khud hi tay kijiye bhookh badi yaa sahitya bada

Shayar ke darwaze pe,ab koi nahi khada

Music director ko hook chahiye,

Producer ko madam  chopda